Fræðileg tímaritsgrein - meginregla
|
Höfundur
|
Dags.
|
Titill
|
Upplýsingar um tímarit.
|
URL/DOI
|
|---|---|---|---|---|
|
Fornafn Eftirnafn. Eftirnafn, F.F. Eftirnafn, F. F. og Eftirnafn, F. F. Nafn stofnunar. |
(ártal). |
Titill greinar. Titill greinar: Undirtitill. |
Titill Tímarits, árgangur(tölublað), blaðsíðubil. Titill Tímarits, árgangur(tölublað), Númer greinar. Titill Tímarits. |
https//xxxx |
DOI númer:
Ef um prentheimild er að ræða sem ekki hefur DOI númer þarf ekki að hafa URL.
URL:
Ef rafrænni grein fylgir ekki DOI númer á einungis að setja URL ef grein kemur úr minna þekktum og smærri gagnasöfnum.
Skáletrun:
Titill tímarits og árgangsnúmer eru skáletruð.
Upplýsingar vantar:
Ef greininni fylgja ekki upplýsingar um árgang, tölublað eða blaðsíðunúmer skal sleppa þeim þáttum. Ekki reyna að búa til upplýsingar sem þú hefur ekki.
Tímarit gefið út ársfjórðungslega:
Ef tímarit er gefið út ársfjórðungslega og mánuðurinn eða árstíðin (haust, vetur, vor, sumar) er tekin fram skal láta þær upplýsingar fylgja með dagsetningunni í heimildaskránni, sbr: Lipscomb, A.Y. (2021, vetur). Addressing ...
Fræðileg tímaritsgrein - án DOI eða URL
Fræðileg tímaritsgrein - með DOI
DOI er varanlega vefslóð á rafræna útgáfu greinarinnar. Flestar nýlegri tímaritsgreinar hafa DOI og á þá ávallt að skrá DOI með heimildum þegar það er í boði.
Fræðileg tímaritsgrein - með Article number
Ef tímaritið hefur ekki blaðsíðutal en er með greinanúmer (Article number) eða e- númer, skal láta það númer fylgja með í stað blaðsíðutals.
Fræðileg tímaritsgrein - PrePrint
Forprentaðar greinar eða PrePrint eru fræðigreinar sem eru birtar áður en þær eru gefnar út hjá rannsóknartímariti. Þessar greinar eru ekki alltaf ritrýndar og oft vantar ýmsar upplýsingar um útgáfu þeirra. Reynið alltaf að nota lokaútgáfu greina ef þess er kostur. Heimildaskráning forprentaðra greina felur oftast í sér nafn þess forprentþjóns (preprint server) eða geymslu (repository) sem gefur greinina út. PsyArXiv, arXiv og PubMed Central eru dæmi um aðila sem birta forprentaðar greinar.
Fræðileg tímaritsgrein - Tveir höfundar
Ávallt skal taka fram nöfn beggja höfunda þegar þeir eru tveir, bæði í heimildaskrá og í öllum tilvísunum í texta.
Fræðileg tímaritsgrein - Þrír eða fleiri höfundar
Aðeins nafn fyrsta höfunds er tekið fram í tilvísun (Höfundur o.fl., ártal) nema ef tvær eða fleiri heimildir eru eftir sama fyrsta höfund (eða fyrstu höfunda) ef svo er skal skrá eins marga höfunda og þarf svo hægt sé að greina milli heimilda.
Í heimildaskrá skal taka fram allt að tuttugu höfunda. Setja og á milli síðustu tveggja nafnanna. Þegar fleiri en tuttugu- og einn höfundur koma að bókinnni skal setja inn nöfn nítján fyrstu höfunda, þrjá punkta (...) og svo nafn síðasta höfundar.
Fræðileg tímaritsgrein - Enginn höfundur
Í einhverjum tilfellum hafa tímaritsgreinar ekki beint höfund. Gott dæmi er tímaritið Peningamál frá Seðlabankanum:
Athugið að stundum getur verið erfitt að finna upplýsingar um árgang fyrir íslensk tímarit og þá getur verið einfaldast að fletta tímaritinu eða greininni upp á Leitir.is og sjá hvernig skráningunni er háttað þar.
Fyrirfram birtar fræðilegar tímaritsgreinar (Advanced online publication)
Stundum eru tímaritsgreinar birtar á netinu áður en þær eru birtar á prentuðu formi. Í þeim tilfellum er ekki hægt að geta árgangs og tölublaðs (vol. issue). Í stað árgangs og tölublaðs kemur þá textinn fyrirfram rafræn birting sé verkefnið á íslensku og advanced online publication sé verkefnið skrifað á ensku. Þessi texti er settur á sama stað í færslu í heimildaskrá og upplýsingar um árgang og tölublað (volume & issue) koma venjulega, þ.e. fyrir aftan titil tímarits, næst á undan doi-númeri sé það til staðar.
Stundum þarf að vísa í greinar sem ekki hafa enn komið út á prenti eða eru í prentun. Í þeim tilvikum er ekki hægt að fullyrða um ártal birtingar og því kemur textinn í prentun í ártalssvigann sé verið að skrifa á íslensku, en in press sé verkefnið skrifað á ensku. Þar sem greinin hefur ekki komið út á prenti ennþá þarf að láta vefslóð fylgja með.
Í þeim tilfellum þar sem notaðar eru nokkrar heimildir eftir sama höfund og þar á meðal heimildir sem eru í prentun, þá raðast slíkar heimildir sem nýjustu heimildirnar. Sjá nánar í kaflanum Röðun heimilda í heimildaskrá.
Alltaf er mælt með því að vísa frekar í heildartexta heimildar, en þó má vísa í útdrætti (abstrakta) ef þörf er á og heildartexti greinarinnar er ekki aðgengilegur nema í millisafnaláni.
Almennt tímarit
Tímarit sem teljast ekki til fræðilegra tímarita eru skráð alveg eins og fræðileg tímarit.
Greinar á timarit.is eru ýmist innskannaðar úr tímaritum eða dagblöðum og teljast þær sem prentaðar heimildir en ekki rafrænar heimildir. Ef greinin hefur DOI númer skal það fylgja. Ekki á að hafa URL með prentheimildum. Fylgið því reglum um skráningu tímarita eða skráningu dagblaða.
