Íslensk frávik frá APA staðlinum

Þegar verkefni eru skrifuð á íslensku þarf einnig að íslenska skráningu tilvísana og heimildaskrár.

ATH. feitletrun í töflunni hér að neðan er notuð til áherslu en á ekki að nota í tilvísunum eða heimildaskrá.

Nánari útskýring á töflunni:

• og verður & þegar skrifað er á ensku (á milli höfundanafna t.d. Wilson & Brown, 2004)
• bls. verður p eða pp (í merkingunni blaðsíðutal) þegar skrifað er á ensku, þ.e. pp ef tilvísun nær yfir fleiri en eina blaðsíðu.
• útg. (í merkingunni útgáfa) verður ed. (í merkingunni edition) þegar skrifað er á ensku.
• ritstj. (í merkingunni ritstjóri/ritstjórar) verður Ed. eða Eds. (í merkingunni editor/-s) þegar skrifað er á ensku.
• framleiðandi, leikstjóri, fréttamaður er með litlum upphafsstaf þegar skrifað er á íslensku, en þegar skrifað er á ensku er það með stórum upphafsstaf; Producer, Director, Correspondent.
• tegund efnis s.s. kvikmynd, hljóðdiskur, tafla, línurit er skrifað með litlum upphafsstaf á íslensku, en stórum upphafsstaf á ensku; Motion picture, Table, Graph
• o.fl. (í merkingunni og fleiri) verður et al. (í merkingunni and others) þegar skrifað er á ensku.
• e.d. (í merkingunni engin dagsetning) verður n.d. (í merkingunni no date) þegar skrifað er á ensku.
• bindi (bindi í margra bóka ritverki) verður vol. (í merkingunni volume) þegar skrifað er á ensku.
• árg. (í  merkingunni árgangur tímarits) verður vol. (í merkingunni volume) þegar skrifað er á ensku.