Rafbækur

Tilvísanir og heimildaskráning rafbóka er mjög áþekk prentuðum bókum. Látið annað hvort DOI-númer  eða URL/vefslóð (http://...) fylgja skráningunni samkvæmt reglum um DOI og URL 

Það þarf ekki að taka fram sérstaklega að um rafbók eða hljóðbók er að ræða ef útgáfan er sú sama og bók á prenti. En ef um nýja útgáfu, annað útgáfuár eða ef vísað er til lesanda hljóðbókar þarf að taka þær upplýsingar fram [hljóðbók/rafbók].

Athugið að bækur af Google Books eru innskannaðar prentaðar bækur og því teljast þær ekki sem rafbækur og skulu skráðar eins og bækur á prenti. Ekki skal láta fylgja með vefslóð á Google Books.