Gera skal heimildaskrá yfir afleiddar heimildir (bækur, tímaritsgreinar o.þ.h.).
Heimildaskrá skal staðsetja aftast, á eftir meginmáli og viðaukum við ritgerðina ef einhverjir eru.
Í heimildaskrá skal fyrst gefa upp eftirnafn erlendra höfunda og síðan upphafsstaf(i) fornafns, en gefa skal upp fullt nafn íslenskra höfunda. Íslenskir höfundar raðast í stafrófsröð eftir fornafni.
Ef sami höfundur er með fleiri en eitt verk í heimildaskránni:
Ef heimildaskrá inniheldur einnig verk með sama höfundi en einnig samhöfundum. Raðast þau þar á eftir í stafrófsröð eftir næsta samhöfundi. Og ef fleiri verk eru eftir þau á einnig að raða þau í tímaröð (elsa fyrst) og síðan í stafrófsröð eftir titli ef fleiri en eitt verk eru útgefin sama ár eftir báða höfunda (sjá dæmi).
Hart HLA, Law, Liberty and Morality (OUP 1963)
— — „Varieties of Responsibility“ (1967) 83 LQR 346
— — Punishment and Responsibility (OUP 1968)
— — og Honoré AM, „Causation in the Law“ (1956) 72 LQR 58, 260, 398
— — og Honoré AM, Causation in the Law (2. útg., OUP 1985)
Höfundalaus verk skulu skráð eftir atvikum undir nafni stofnunar, fyrirtækis eða undir titli verks.
Bréf, tölvuskeyti, viðtöl og aðrar sambærilegar heimildir raðast undir nafni sendanda eða viðmælanda þegar skrifað er á íslensku.
Athuga sleppa skal punkti í lok hverrar heimildar í heimildaskrá.
Bjarni Már Magnússon, „Hernaðarhliðar Hafréttarins í Íslensku Samhengi“, Rannsóknir í félagsvísindum IX (Félagsvísindastofnun Háskóla Íslands 2008)
Casavant A, „Law of the Sea“ (2013) 3 Asian Journal of International Law; Singapore 427
Davíð Þór Björgvinsson, „Alþjóðaskuldbindingar um vernd barna gegn kynferðisofbeldi“ í Svala Ísfeld Ólafsdóttir (ritstj.), Hinn launhelgi glæpur: Kynferðisbrot gegn börnum (Háskólaútgáfan 2011)
Leclerc B og Wortley R, „Predictors of Victim Disclosure in Child Sexual Abuse: Additional Evidence from a Sample of Incarcerated Adult Sex Offenders“ (2015) 43 Child Abuse & Neglect 104
Miller L, „Sexual Offenses against Children: Patterns and Motives“ (2013) 18 Aggression and Violent Behavior 506
Ragnheiður Bragadóttir, Kynferðisbrot: Dómabók (Codex 2009)
Sif Konráðsdóttir, „Refsingar í kynferðisbrotamálum“ (2001) 3 (1) Lagakrókar 28
Svala Ísfeld Ólafsdóttir, „Viðhorf til kynferðisbrota gegn börnum“ í Trausti Fannar Valsson (ritstj.), Rannsóknir í félagsvísindum 10 (Félagsvísindastofnun Háskóla Íslands 2009)
——, Hinn launhelgi glæpur: Kynferðisbrot gegn börnum (Háskólaútgáfan 2011)
Sjá nánar í Oscola 4. útg., bls. 11-12, kafla 1.7
Gera skal skrár yfir lög, reglugerðir, lögskýringargögn, þjóðréttarsamninga, dóma, úrskurði, ákvarðanir og álit opinberra úrlausnaraðila, skjöl Sameinuðu þjóðanna, ESB gögn og annarra frumheimilda sem vísað er til í ritgerð.
Skrárnar eiga að vera í þeirri röð sem talin er upp hér að ofan
Frumheimildaskrár eiga að vera milli efnisyfirlits og mynda- og töfluskrá (ef við á), og meginmáls.
Í skrám nægir að geta um viðkomandi heimildir skv. grunnþætti tilvísana, sem þýðir að heimilda er getið með einföldum hætti og staðsetning innan heimilda/pinpoint (t.d. gr., mgr., blaðsíðutal) er sleppt sem og punkti í lok tilvísunnar.
Sérstaka skrá skal gera fyrir hvert lögsagnarumdæmi eða hvern dómstól eða úrlausnaraðila. Ef aðeins er vísað til fárra slíkra heimilda er þó heimilt að hafa þær saman í einni skrá, hugsanlega kaflaskiptri.
Dómar, (t.d. Evrópskir og alþjóðlegir), sem eru með málsaðila skáletraða eiga ekki að vera skáletraðir í dómaskrá.
Röð heimilda innan skráa skal yfirleitt vera í stafrófsröð. Nemendur eiga val um tvenns konar tilvísanahátt þegar vísað er til íslenskra dóma, úrskurða, ákvarðana og álita. Velji þeir tilvísanahátt sem lætur aðila máls eða heitis máls ógetið, skal röð heimilda innan skráa (fyrir hvern dómstól) styðjast við tímaröð, þar sem elsta árið raðast fyrst.
Lög og reglugerðir raðast í stafrófsröð en Alþingistíðindi í tímaröð, elsta árið raðast fyrst.
Sjá nánar í Verklagsreglur reglur og leiðbeiningar um BA/ML ritgerðir og í Oscola 4 útg. bls. 10-11 kafli 1.6.2
Ef Zotero er notað fyrir afleiddar- og frumheimildir þarf að færa frumheimildirnar úr heimildaskránni.
Heimildaskráin er sett upp með því að ýta á Add/Edit bibliography í Word og tekur Zotero þá allar heimildir sem vísað hefur verið til í verkefninu og setur upp í heimildaskrá:
Heimildaskrá
Bjarni Már Magnússon, „Hernaðarhliðar Hafréttarins í Íslensku Samhengi“, Rannsóknir í félagsvísindum IX (Félagsvísindastofnun Háskóla Íslands 2008)
Davíð Þór Björgvinsson, „Alþjóðaskuldbindingar um vernd barna gegn kynferðisofbeldi“ í Svala Ísfeld Ólafsdóttir (ritstj.), Hinn launhelgi glæpur: Kynferðisbrot gegn börnum (Háskólaútgáfan 2011)
Ragnheiður Bragadóttir, Kynferðisbrot (Lagastofnun Háskóla Íslands 2006)
——, Kynferðisbrot: Dómabók (Codex 2009)
Wiener M, Reconstructing the Criminal Culture, Law and Policy in England 1830–1914 (CUP 1990)
Hrd. 20. desember 2019 í máli nr. 36/2019
Alþt. 2011-2012, A-deild, þskj. 82 - 78. mál
Lög um 40 stunda vinnuviku nr. 88/1971
Frumheimildir flokkast saman eftir item type og raðast neðst í heimildaskránni. Þær þarf að afrita og líma fremst í ritgerð í skrá fyrir frumheimildir þar sem þær eru flokkaðar skv. leiðbeiningum, sjá hér.
Ef heimildum er eytt handvirkt úr Word setur Zotero þær aftur inn þar sem vísað er til þeirra í verkefninu. Nauðsynlegt er því að eyða frumheimildunum gegnum Zotero skv. eftirfarandi leiðbeiningum:
Þegar búið er að afrita og líma frumheimildirnar, þar sem þær eiga að vera fremst í ritgerðinni, er tvísmellt á heimildaskrána svo hún verður grá:
Smellið því næst á Add/Edit bibliography hnappinn 
Þá opnast heimildaskráin í Zotero og hægt er að velja frumheimildirnar og ýta á örina til að fjarlægja, að lokum er ýtt á OK
Eftir standa þá einungis afleiddu heimildirnar í heimildaskránni:
