Skip to Main Content
It looks like you're using Internet Explorer 11 or older. This website works best with modern browsers such as the latest versions of Chrome, Firefox, Safari, and Edge. If you continue with this browser, you may see unexpected results.

Oscola staðall

Oxford Standard for the Citation of Legal Authorities

Heimildaskrá - Frumheimildaskrá

Gera skal heimildaskrá yfir afleiddar heimildir (bækur, tímaritsgreinar o.þ.h.).

Heimildaskrá skal staðsetja aftast, á eftir meginmáli og viðaukum við ritgerðina ef einhverjir eru.

Í heimildaskrá skal fyrst gefa upp eftirnafn erlendra höfunda og síðan upphafsstaf(i) fornafns, en gefa skal upp fullt nafn íslenskra höfunda.  Íslenskir höfundar raðast í stafrófsröð eftir fornafni.

Ef sami höfundur er með fleiri en eitt verk í heimildaskránni skal setja tvö bandstrik (double em-dash) í stað nafn höfundar: 

Hart HLA, Law, Liberty and Morality (OUP 1963)

— — Varieties of Responsibility (1967) 83 LQR 346

— — Punishment and Responsibility (OUP 1968)

— — og Honoré AM, Causation in the Law (1956) 72 LQR 58, 260, 398

— — og Honoré AM, Causation in the Law (2. útg., OUP 1985)

Höfundalaus verk skulu skráð eftir atvikum undir nafni stofnunar, fyrirtækis eða undir titli verks. 

Bréf, tölvuskeyti, viðtöl og aðrar sambærilegar heimildir raðast undir nafni sendanda eða viðmælanda þegar skrifað er á íslensku.

Athuga sleppa skal punkti í lok hverrar heimildar í heimildaskrá.

Dæmi:


 

Sjá nánar í Oscola 4. útg., bls. 11-12, kafla 1.7

Gera skal skrár yfir lög, reglugerðir, lögskýringargögn, þjóðréttarsamninga, dóma, úrskurði, ákvarðanir og álit opinberra úrlausnaraðila sem vísað er til í ritgerð. 

Frumheimildaskrár eiga að vera milli efnisyfirlits og mynda- og töfluskrá (ef við á), og meginmáls.

Í skrám nægir að geta um viðkomandi heimildir skv. grunnþætti tilvísana, sem þýðir að heimilda er getið með einföldum hætti og staðsetning innan heimilda/pinpoint (t.d. gr., mgr., blaðsíðutal) er sleppt sem og punkti í lok tilvísunnar.

Sérstaka skrá skal gera fyrir hvert lögsagnarumdæmi eða hvern dómstól eða úrlausnaraðila. Ef aðeins er vísað til fárra slíkra heimilda er þó heimilt að hafa þær saman í einni skrá, hugsanlega kaflaskiptri.

Skrár yfir lög, reglugerðir, þjóðréttarsamninga, alþjóðasamninga, Alþingistíðindi og skjöl Sameinuðu Þjóðanna koma á undan skrám yfir dóma og úrskurði.

Röð heimilda innan skráa skal yfirleitt vera í stafrófsröð. Nemendur eiga val um tvenns konar tilvísanahátt þegar vísað er til íslenskra dóma, úrskurða, ákvarðana og álita. Velji þeir tilvísanahátt sem lætur aðila máls eða heitis máls ógetið, skal röð heimilda innan skráa styðjast við tímaröð, þar sem elsta árið raðast fyrst.

Lög og reglugerðir raðast í stafrófsröð en Alþingistíðindi í tímaröð, elsta árið raðast fyrst.

Sjá nánar í Verklagsreglur reglur og leiðbeiningar um BA/ML ritgerðir og í Oscola 4 útg. bls. 10-11 kafli 1.6.2

Dæmi um frumheimildaskrár:

 

Ef Zotero er notað fyrir afleiddar- og frumheimildir þarf að færa frumheimildirnar úr heimildaskránni.

Þegar smellt er á Add/Edit bibliography í Word tekur Zotero allar heimildir sem vísað hefur verið til í verkefninu og setur upp heimildaskrá. 

Frumheimildir flokkast saman eftir item type og raðast neðst í heimildaskránni. Þær þarf að afrita og færa fremst í ritgerð í skrá fyrir frumheimildir, en frumheimildaskrá á að vera á undan meginmáli, skv.: Verklagsreglur og leiðbeiningar um BA/ML ritgerðir (sjá í Canvas).

Ef heimildum er eytt handvirkt úr Word setur Zotero þær aftur inn þar sem vísað er til þeirra í verkefninu. Nauðsynlegt er að eyða frumheimildunum handvirkt skv. eftirfarandi leiðbeiningum:

Þegar búið er að afrita og vista frumheimildirnar er tvísmellt á heimildaskrána svo hún verður grá

Smellið því næst á Add/Edit bibliography hnappinn í Word 

Þá opnast heimildaskráin í Zotero og hægt er að merkja frumheimildirnar og ýta á örina til að fjarlægja og að lokum er ýtt á OK

Og eftir standa þá einungis afleiddar heimildir í heimildaskránni: