Skip to Main Content
It looks like you're using Internet Explorer 11 or older. This website works best with modern browsers such as the latest versions of Chrome, Firefox, Safari, and Edge. If you continue with this browser, you may see unexpected results.

Lögfræði: Lokaverkefni

Lokaverkefni

Nemendur eru hvattir til að kynna sér vel handbækur, verklagsreglur eða aðrar leiðbeiningar um lokaverkefni í sinni deild. Í flestum tilfellum eru slíkar handbækur, reglur og leiðbeiningar að finna á námskeiðsvef lokaverkefnis í Canvas. Hafi nemendur sem skráðir eru í lokaverkefni ekki aðgang að ofangreindum skjölum skulu þeir snúa sér til deildarskrifstofu sinnar.

Lokaverkefni á grunn- og meistarastigi:

Lokaverkefni frá árinu 2009 og eldri eru aðgengileg á prenti í afgreiðslu safnsins, nema ef um trúnaðarmál ræðir. Frá 2010, þegar HR byrjaði að skila í Skemmuna, eru lokaverkefni á grunn- og meistarastigi einungis aðgengileg í rafrænu formi. Rafrænt eintak lokaverkefnis er samþykkt og gert sýnilegt í Skemmunni.

Skil í Skemmuna:

Nemendur þurfa að skila rafrænu eintaki af lokaverkefnunum í Skemman.is, skv. reglum um skil á lokaverkefnum við Háskólann í Reykjavík. Lokaverkefni eru gerð sýnileg í Skemmu eftir útskrift.

Lokaverkefni skulu vera opin til aflestrar í Skemmunni í samræmi við stefnu HR um opinn aðgang. Höfundar/ur hefur þó rétt til að óska eftir að loka aðgangi að lokaverkefni ef það inniheldur upplýsingar sem rétt og eðlilegt er að trúnaður ríki um.

Ef óska á eftir lokun á lokaverkefni skal nemandi skila meðfylgjandi eyðublaði útfylltu til verkefnastjóra deildar þar sem ákvörðun um samþykki er tekin. Nemandi þarf síðan að skanna samþykkta og undirritaða beiðni, vista sem pdf og hlaða upp sem sér skrá í Skemmuna skv. leiðbeiningum um skil í Skemmu. Hafi lokaverkefninu þegar verið skilað í Skemmuna er ekki hægt að bæta beiðninni við, en þá skal senda beiðnina rafrænt til skemman@ru.is og beiðninni verður hlaðið upp.

Ef vandamál koma upp við vistun í Skemmuna má hafa samband við bókasafnið skemman@ru.is

Gagnlegt

Nemendur í lögfræði skulu nota OSCOLA staðalinn til að gera tilvísanir og heimildaskrá. 

Bókasafnið mælir með Zotero heimildarskráningarforritinu til að halda utan um heimildirnar og hjálpa til við heimildavinnuna. 

Hægt er að bóka tíma hjá upplýsingafræðingi til þess að fá leiðsögn í heimildaleit og heimildaskráningu. Kristína Benedikz er tengiliður bókasafnsins við lögfræði og tímabókanir eru gerðar með Noona appinu eða í netbókunarkerfinu