Lögfræði: Stjórnartíð.

1874-1943 hét ritið Stjórnartíðindi fyrir Ísland og skiptist í A og B deild. A-deild innihélt lög og tilskipanir og var gefið út á íslensku og dönsku til 1918. B-deild innihélt úrskurði frá konungnum og kom einungis út á íslensku.

1944 fær ritið núverandi nafn sitt Stjórnartíðindi og er gefið út af dómsmálaráðuneytinu. Það kemur út í blöðum og heftum sem er safnað saman og að lokum gefið út sem ársbindi. Auglýsingar varðandi milliríkjasamninga birtast í A-deild.

1962- frá þessum tíma kemur ritið út í þremur deildum; A, B og C deild.

• A-deild: lög, tilskipanir, opin bréf, auglýsingar og aðrar tilkynningar almenns efnis útgefin af æðsta handhafa framkvæmdavaldsins. Reglur sem Alþingi kann að setja um framkvæmd almennra málefna í þingsályktunum. Lög öðlast gildi við birtingu í A-deild Stjórnartíðinda.
• B-deild: reglugerðir (öðlast gildi við birtingu), erindisbréf, samþykktir og auglýsingar, reikningar sjóða, úrslit alþingiskosninga sem tilkynnt hafa verið á árinu, heiðursmerki, nafnbætur og heiðursverðlaun sem ríkisstjórnin veitir. Einnig skal þar birta reglur sem stjórnvöldum og opinberum stofnunum, öðrum en ráðuneytum, er falið lögum samkvæmt að setja.
• C-deild: samningar Íslands við önnur ríki og auglýsingar varðandi gildi þeirra. Birting ákvarðana sameiginlegu EES-nefndarinnar og gerða þeirra, sem vísað er til í EES-víðbæti við Stjórnartíðindi Evrópusambandsins telst jafngild birting að þessu leyti.

Lög um Stjórnartíðindi og Lögbirtingarblað nr. 15/2005, 2.-4. grein.